أيوه هو مش الطريق إلى عتليت
ولكنه بداية الطريق لتل أبيب وكل مستوطنة تضم كلاب الأرض
لأنهم فقدوا أدميتهم من زمان
ولن نعترف بهم أو بوطنهم المزعوم أبدا
هو الطريق للفتح شاء من شاء وأبى من أبى
يعني ها أصدق مذلة العرب وكسرة المسلمين ولا أصدق كلام رب العالمين؟
وبلدنا ع الترعة بتغسل شعرها
ياترى ها تغسل شعرها تاني؟ الترعة ها تنشف إلا أن يرسل لنا الله رجل ينجدنا
ياترى ها تفضل تغسل شعرها ومش ها تفوق بقى؟
ولو
ها يفضل منا ناس تهاتي .. يمكن واحد بس يسمع مننا ويكون بني أدم ليه لزمة
أتفرجوا على الفيلم ده كتير .. جزئين
وكمان ياريت تتفرجوا على سري للغاية .. اليوم السابع .. برضه جزئين
لما تفتحوا اليوتيوب من المقطع اللي انا حطاه
ها تلاقوا اليوم السابع في البانر الجانبي
خلوا ولادكم يشوفوا وها يبدأوا يسألوا
ها يسألوا ها تضطروا أنتم تقرأوا وتعرفوا وتعرفوهم
لازم نفوق شوية والشباب اللي منزل البنطلون يرفعه
لازم البنات اللي مش عارفة تثبت على راي ومكتئبة من غير إكتئاب تفوق
لازم نعرف إن اليوم ده جاي تاني ومينفعش نرفع إيدينا
لازم ولابد نفتكر ثأر أجدادنا
عيب ننسى التار
ده هو التار الأصلي ياللي شاطر تطلب دم أبن بلدك
يورام بنور "التلفزيون الإسرائيلي المستقل"
المقولة العربية المعروفة تقول
"البدوي أخذ ثأره بعد أربعين سنة وقال إستعجلت"
ولن يتوقع من الناس بشكل عام ومن العرب بشكل خاص
أن ينسوا هذا الإيشي اللي هو جريمة حرب
لها إسم في القانون الدولي جريمة حرب
كلام إرييه بيرو .. كلب من كلاب صهيون .. وقاتل للأسرى المصريين
كيف كانوا قبل قتلهم؟
منهم من رقد على بطنه ومنهم من وقف مذهولا
هل تعتبر ما فعلت جريمة؟
إن قتل المصريين كان واجبا،
وإن أي مصري إبن عاهرة كان يعلم عنا شيئا كان يجب قتله
هل حققوا معكم بعد ذلك؟
لا لقد أصدروا قرارات ترقية للجنود والضباط جميعهم
الدقيقة 29 من الجزء الأول
الفريق سعد الدين الشاذلي
إرجع إلى التوراة .. سفر التثنية الإصحاح رقم عشرين
"إذا تقدمتم لتحاربوا مدينة فاعرض عليها الصلح فإن قبلت الصلح فكل الشعب مستعبد لك أما إذا رفضت الصلح فحاصرها فإن استسلمت لك وكانت من المدن القريبة "منطقة الشرق الأوسط" فلا تترك منهم نسمة أقتلهم جميعا .. فلازم أتوقع من إسرائيل كل شيء سيء
"حين تقرب من مدينة لكي تحاربها استدعها إلى الصلح.
فإن أجابتك إلى الصلح وفتحت لك، فكل الشعب الموجود فيها يكون لك للتسخير ويستعبد لك.
وإن لم تسالمك بل عملت معك حربًا فحاصرها.
وإذا دفعها الرب إلهك إلى يدك فاضرب جميع ذكورها بحد السيف.
وأمَّا النساء والأطفال والبهائم وكل ما في المدينة كل غنيمتها فتغتنمها لنفسك وتأكل غنيمة
أعدائك التي أعطاك الرب إلهك.
هكذا تفعل بجميع المدن البعيدة منك جدًا التي ليست من مدن هؤلاء الأمم هنا" [10-15].
بالله عليكم تاخدوا بالكم من شروط الصلح عندهم
ده للبقر اللي بينفوا شعائر الإسلام وبيقولوا أنه أتى بشريعة مخالفة لكل من قبله
ده للي بيقولوا إن الإسلام دين دم والفتح الإسلامي كان غزو والمسلمين قتله
قاتلهم الله وشتت شملهم جميعا
بل أتى الإسلام بأفضل شريعة مكملة لكل من قبله وافضل من كل من كان قبله .. شريعة سلام حقيقية .. شريعة إحسان في الحروب
حيث تكون شروط الصلح عند اليهود هي:
1. جحد العبادة الوثنيَّة والدخول إلى عبادة الله الحي
2. الخضوع لليهود
3. دفع جزية سنويَّة
الكاتب المطبع علي سالم والحاصل على جائزة الشجاعة المدنية عام 2008 من مؤسسة أمريكية
ورغم أنه تشوفه تبقى عاوز ترجع يعععععععععععع
لكن قال كلمة تصدق القول القائل "خذ الحكمة من أفواه المطبعين"
ماهو يا بيننا وبين اسرائيل اتفاقية وسلام
وبكده تبقى مصر مش ها تدخل حرب تاني
يا إما إحنا في هدنة
وبكده لازم تبدأ تعمل حسابك على إن الهدنة ها تخلص
"وطبعا هي دي الحقيقة اللي أي عاقل موقن بها"
وبما إنك لا بتعمل ده ولا ده يبقى انت بتضحك على الشعب
"أه إحنا قفا ومضحوك علينا ونايمين وبنلعب في مناخيرنا"
الجزء الثاني الدقيقة 35
نائب وزير الدفاع الإسرائيلي إفرايم أسنيه وعند سؤاله عن
لماذا تسقط حقوق الأسرى المصريين بالتقادم ولم تسقط حقوق اليهود عند الألمان بالتقادم؟
رد وقال إيه المجرم سليل المجرمين عتيد الإجرام؟
أنصحك بوضع حد للمقارنة الغبية الشنيعة حالا .. لا .. انصحك بالتوقف .. مفهوم؟
وعلى رأي محمد صبحي في سكة السلامة
يا ولاد الكااااااااااااااااااااااااااااااااااالب
الواجب لمن أراد المشاركة
كلنا عندنا شيء بيتحل اسمه تاج
والتاج يمرر لعدد من المدونين
ممكن تعتبروا البوست ده تاج
وهنا أنا ها أمرره لعشر مدونين
عليهم نشر لينك اليوتيوب وكلمتين عن الحدوتة
وكل واحد منهم يمرره لعشرة
يعني نتوسع في نشر هذا الأمر أفقيا
بحيث النهاردة ينشر عشرة
بكرة مائة
بعده ألف
لحد ما تمتليء المدونات المصرية كاملة بالمطالبة بحق اسرى 67 بإعتراف بني صهيون بجريمتهم
واللي عاوز الدستور عاملة إعلان عن أن السفير ابراهيم يسري ها يرفع قضية دولية
اللينك أهو
أخواني المصريين
يا حتة من قلبي
الدم مش بيموت
والتار مش بيتنسي
وإلا نبقى كلنا فعلا مش بني أدمين
المدونين اللي عليهم الواجب
1- عثمان علي .. prof9090
2- هيثم السايس .. إيقاظ العيون في تاريخ بني صهيون
3- استاذ سعيد .. جني
4- الباشمهندس .. تخاريف أبو العريف:)
5- ياسر عمر .. ومضات
6- أستاذ أبو علي .. شكل حياتك
7- صوت من مصر .. كيمو
8- عمنا فشكول .. فشكول دوت كوم
9- الأستاذ سيد .. قلم رصاص
10- خواطر شابة .. علشان كلنا واحد زي ما اتفقنا مؤخرا
ولو حد يحب يشارك أو زعل أني مقلتش أسمه أتمنى يشارك
علشان دي قضية مهمة جدا
وملهاش صبغة شخصية ولا علاقات مدونية
يارب يارب خلي الناس تهتم
يارب محدش يخذلني ويكأبني
يارب تصحي يا مصر
يارب تصحي يا أمة
يارب تنجح يا تتح
56 التعليقات:
امين
السلام عليكم
طظ في الاهداف الشخصية نحن نسعي جميعا الي رضا الله وفقط وربنا يتقبل
تحياتي يا زعيمة المدونين
ااااااااااااااااااه ياقلبى
انت جتيلى على جرح عايشه به من يوم ماتولدت ابويا حارب فى النكسه
وحكالى ومشيلنى انا واخواتى تار زميله
لومات قبل مانحاربهم تانى واهو مات الله يرحمه يارب وعليا انى اشيل عيالى واخواتى يشيلو عيالهم التار دا بالرغم اننا مش صاعيده خالص بس اللى شافو وحاكهولنا
مايمحهوش غير الدم فعلا علشان كرمتنا
الله يرحمه ويرحمهم كلهم
هاتفرج واتابع بس ارجوكى ادى فرصه شويه للبوست دا لانه مهم
انا ان شاء الله هافتح مدونه عن قريب
وياريت انول شرف الواجب دا
انا اولى به
الله يرحمك يا بويا
شكرا جدا يا ست الستات
تعرفي يا دكتر ، مصر هترجع تاني عن قريب ، الفساد مسيره هيركع قدام سياف الحق ، وساعتها دولة صهيون هتتمني اليوم اللي متوجتش فيه ، هتتمني الموت , انهم علي باطل ونحن علي حق .
انا كنت كتبت موضوع عن الطريق إلي عتليت علي المدونة من فترة ، بس ان شاء الله اكتب بوست عن اللي بيحصل في المعتقلات المصرية بمقابلة شخصية معتقله .
وحضرتك ممكن نستفيد من المواقع الاجتماعية زي الفيس بوك ونعمل جروب لن نعترف باسرائيل ونحط فيها فضايحهم
مش عارفة اقول ايه يادكتورة بجد
بس انا هنشر الفديو عندي
ومش هقول عليهم ولاد الكلب لان الكلب كائن حي حرام نشبهه بيهم دول اقل مستوى منه بكتيييييييييير
بجد ربنا يجازيكي خير يادكتورة ستيتة فعلا الدعوة مهمة لرفع الهمم ضد هؤلاء القتلة
فيلم الطريق الي عتليت من ضمن الافلام الوثائقية المحترمة كعادة يسرى فودة وكمان اليوم السابع اتفرجت عليه كدة احنا بنشتغل صح ولازم كل فترة ندعو لصحيان الناس ودة اقتراح اركوجي تتبنيه وان شاء الله انا معاكي دايما
وربنا يتقبل يمكن دة يبقي جهاد الكلمة
سبحان الله
والله انتى فيكى شىء لله
من يومين بالعدد
كنت بتكلم مع واحد ع القهوة ف السياسة بصفة عامة
والزبون كان شايف ان حزب الله هوه حامى حمى الاسلام
ومعجب جدا بايران
وتشعب الموضوع بشكل غريب
لحد ما وصلنا ل ناجورنو كارباخ
ومؤزراة ايران لدولة ارمينيا المسيحية فى صراعها مع دولة اذربيجان المسلمة حول اقليم ناجورنو كارباخ المتنازع عليه وده لان اذربيجان منافس فى سوق البترول لايران
ومطالبة اوباما لتركيا بانها تعترف بمذابحها ضدد الارمن اللى حصلت قبل ام اوباما ما تتولد
الخلاصة ان الموضوع كله على بعضه مصالح ف مصالح
وفى السياسة الدولية لا يوجد اصدقاء دائمون او اعداء دائمون ولكن مصالح دائمة
طيب ليه اوباما عايز الاتراك يعترفوا بمذابحهم ضدد الارمن
مع ان اوباما ابوه مش ارمانلى
لان الارمن فى امريكا عددهم كبير وبيأثروا فى نتيجة الانتخابات
مشكلة صحيح
يعنى
المهم
ان موضوع اننا نجيب حق ضائع فى الماضى اعتقد انه رفاهية
انا هعمل اى حاجة تطلبيها ... وربنا ... لان انا بحترمك جدا ... ولو انى مش عارف يعنى ايه تاج اووى ولكن انا هعملك انتشار محترم
مع احتفاظى بان المطالبة بحق للمصريين ف الماضى رفاهية
لانهم مش واخديين حقهم ف الحاضر
والمستقبل ربنا يعلم بيه
تحياتى
باى زا واى
عارفة ان فيه كتاب صادر من اكتر من سنه لم يترجم للعربية بعد
وقالب عليه الدنيا
تاليف واحد امريكانى كان فى المخابرات
عارفة الكتاب اسمه ايه
" التحالف الغادر ... العلاقات السرية بين امريكا وايران واسرائيل "
سمع هوص
خليك معانا يا ابو علي
ورشح عشرة
مش عارف حسيت لما قريت تعليقى ان اللى كاتب الكلام ده ضارب باكتيتين بانجو
فافضل انى اقول
ان فعلا معاكى حق
ولازم نعمل كده
ونجيب حق المصريين والاسرى المصريين
زى ما الارمن بيطالبوا بحقوق من سنة 1915
بس
يعنى
هوه ده اللى كنت عايز اقوله
تحياتى
حاضر دكتور ستيتة سأفعل ان شاء الله ساحضر موضوعا اليوم وسأنزله غدا ان شاء الله
نعم كلنا واحد هذا أكيد وعدونا واحد وبالنسبة له نحن واحد وفي ميزان واحد وحقده علينا واحد
وتعرفي ان حملة لاتفسد التي أطلقها الدكتور اسلام هي ايضا خطوة في هذا الطريق لانه لو تحولت الى منهج حياة لنا سيتغير حالنا أكيد
تحياتي وتقديري
هيثم السايس
وعليكم السلام ورحمة الله وبركاته
ربنا يجعلنا على طريق رضائه عنا
بلاش زعيمة دي لحسن أروح التُمن :)
ريتشاردي
جدي واهلي كلهم اتهجروا من بورسعيد
وجدي مات واندفن براها لأنه مات قبل عودة المهجرين
ورجعوا اهلي
اللي لقى بيته تم هدمه
واللي لقى بيتي تم احتلاله من عائلات تانية تحت مسمى وضع اليد
وقصص عيشتهم في القاهرة بعيد عن اشغالهم تشيب
حاجات كتير حصلت لهم لكن افضل الف مرة من ام ابنها اندفن بالدبابة حي في سينا في 67 ومعندهاش جثته تصلي عليها
ومعندهاش عنه خبر
اللي ماتوا دول مش اجدادنا؟
ليه نسكت ونرضى الدنية؟
يالا افتحي المدونة ده خبر حلو قوي
تحياتي يا موجوعة الفؤاد
وهو ايه فيكي يا بلدي ما يوجعش القلب زمان ودلوقت
سيادة الرئيس
ايوه هي دي الروح اللي عاوزينها
مصر ها ترجع
مع كل وجع قلوبنا ها ترجع
مع لحظات يأس تصبنا ها ترجع
انا مليش فعلا في الفيس بوك
فلو انت وكل مدون تقدروا تعملوا شيء زي ده وتقولوا لي دوري وندعو له حاضر اكون معاكم
بس لازم كل انسان يبقى عارف ان دمنا غالي
ومبدأنا سيظل هكذا مهما تناسينا
مجرد انتظار
يالا يا حبي انشري واختاري عشرة مش عندي على الليست وادعوهم لينضمو لنا
وانا كمان شايفة انهم فقدوا احساس الكائن الحي بشكل عام
تسلمي
هيثم السايس
بارك الله فيك انت وكل مثقف زيك
انتوا اللي بتعرفوني اللي مش عارفاه
بلدياتي الغالي الباشمهندس
اي كلمة
انت بتقولها
عادة كنز للجهلاء مثلي
وهذا ليس تواضع
خالص
صدقني
فمن فضلك اشعر بكل حرية ان تقول اي شيء هنا
احب دائما ان اعرف وجهة نظرك
مفيش تاج
ببساطة اكتب عن حقنا في دم اسرنا اللي لم يقتلوا اثناء حرب ولكن دهسا بدبابات صهيون وقواعده اللي هي اساس قيام دولته
ثم ادعو عشر بني ادمين مدونين انهم يكتبوا وارسل لهم الدعوة في مدوناتهم
وبكده نعمل قصة انتشار للحق
واللي عنده حق من اهالي الأسرى يعمل توكيل للسفير اللي ها يرفع قضية امام بعض المحاكم في الدول الأروبية
ونبتدي نشتغلهم شعبي صح
منور
نوجا
الأول أعملي دعوة د. اسلام
واكتبيها بشكل يخلي اللي مش بيدخلوا مدونات مصرية يصحصحوا لأننا عاوزين صحوة مجتمعية كاملة
بصي انا عارفة اني حالمة كبيرة
ولكن كل مشروع كبير بدأ بحلم
ثم نقول بعدها الدعوة اللي هي النهاردة
اللي طبعا انا مش اساسها ولكن اظن ان قصة دعوة كل منا لعشرة ها يخليها تكبر فعلا صح
يارب يجي يوم قريب
الاقي مغربي
وتونسي
وجزائري
ولبناني
وسوري
وسعودي
وكويتي
وعماني
واماراتي
ويمني
وفلسطيني
بنجلاديشي
واندونيسي
واحد من كل بلد بيقول الدعوة دي بتاعتنا كلنا
يارب يجي اللي يجمعنا
يارب جمع قلوبنا
قال الله تعالى
(وَأَلَّفَ بَيْنَ قُلُوبِهِمْ لَوْ أَنفَقْتَ مَا فِي الأَرْضِ جَمِيعاً مَّا أَلَّفَتْ بَيْنَ قُلُوبِهِمْ وَلَـكِنَّ اللّهَ أَلَّفَ بَيْنَهُمْ إِنَّهُ عَزِيزٌ حَكِيمٌ) الأنفال : 63
ستيتة
فعلا احييك على تشجيعنا لفضح هؤلاء الاوغاد انا كنت اعلم الكثير من هذا
ولكن ان نسمعه ونستعيده امام اعيننا واجب على كل مصرى
انا فعلا نشرته
دعواتى
معاكم يادكتور قلبا وقالبا بكل رضا
دي قضيتنا كلنا مفيش شك
تعليق حضرتك عندي ده
"لك عندي واجب على هيئة رجاء
فهل من مجيب؟
ولو كان الواجب ده ضد اهدافك الشخصية من فتح مدونة فأنا اعذرك واتفهمك ومفيش مشكلة ان شاء الله"
مكنتش فاهم القصد منه وكنت جي استفسر لحد ماقريت البوست وفهمت
انا هنشر الفيديو عندي في بوست وفي السايد بار كمان عشان يكون موجود باستمرار
وهارشح عشره زي بناء على رغبة حضرتك
وان شاء الله الجي احسن
السلام عليكم
ازيك يا دكتوره
طبعا كلنا محدش يقدر يتاخر
الواجب مش ضد اهدافي التدوينيه
اللي انا مش عارفها اصلا
انا معاكم يا دكتوره
بس هروح اشوف الفيديوهات في سيبر بكره
لان النت عندي مبيشغلش فيديو
وهشارك ببوست
تحياتي
رانيا
حلو جدا لو كل فترة اتجمعنا على شيء صح
كنت لسه بقول في مدونة هيثم السايس ان مشكلتنا فعلا اننا فقدنا الأهداف
يبقى حلو لو قلنا هدفنا هو المنشور عند د. اسلام لا تفسد
ويالا بالمرة نحاول نصلح
ومن ضمن الإصلاح نشوف حقوقنا فين ونعرف اللي مش عارفينه
وكمان نحاول نتجمع على شيء كلنا متفقين عليه
هو فيه حد ممكن يختلف مع بوست النهاردة؟
شكرا وربنا يشكر لك
سي السيد
لأ انت مش تنشر بس
انت قاريء
يعني ممكن بأسلوبك تشد الناس
وربنا يكرمك
ومتنساش عشرة يلاقوا الدعوة في مدوناتهم
ربنا يكرمك يا اجدع قلم رصاص
ابو العريف
وعليكم السلام
اهلا اهلا
مش مهم تكون عارف اهدافك
حطها يا عم النهاردة
على رأي مسرحية انها حقا عائلة محترمة
إتز نفر توووووووووو ليت يا والدي :)
خلاص مستنينك
ومتنساش عشر مدونين ينضموا بقوة السلاح :))
شكرا وشكر الله للجميع
كلالالالالالالالالالالالالالاب كلالالالالالالالالالالالالاب
هايعيشو كلاب ويمتو كلاب
فى كتير طبعا من الكلام دا ابويا قالهولى وفى اول مره اسمعو الحمد لله كان ليه عمر ومتأسرش كان هو ومجموعه من زمايله حاولى 8 هاربوهم مجموعه بدو بعد ماجلهم الامر من القياده العليا بالانسحاب وكان الانسحاب عشوائى شافو ناس من زمايلهم اتخدو فعلا والباقى استخبو فى الجبل وفرضلو يجرو من غير مايعرفو الطريق
طلع عليهم الطياران الاسرائيلى ضربهم
حفرو حفر وردمو على نفسهم اللى نفسه اطول كان ليه نصيب يعيش واللى كان يجى فى رصاص الطيران وهو مردوم واللى نفسه ماستحملش مات مخنوق اتبقى من 8
تلاته فضلو ماشين يومين حظهم الكويس
ان لاقهم بدوى طالع مخصوص يدور على حد
من الجنود لقاهم وخدهم سلمهم ورجعهوهم هما وغيرهم من اللى كان ليهم عمر طبعا رجعو على المستشفيات وهناك عرف من زمايله اللى قابلهم اللى حصل
لباقى الناس وازى كانو بيقتلوهم زى ماقال الظابط اللى فى التيوب
امين عبد الرحمن نفس الكلام وغيره ابشع سمعته من ابويا وهو بيعيط ويقول الاسرائيلى جبان بس هما كانو عزل
شوفتى وش الظابط امين وهو بيتكلم عن حقهم وان الريس وطنطاوى لو عرفو انهم اتسرحو بعد كل دا ب18 جنيه مش هايسكتو تعبير وشه غريب مش عايز يصدق انهم فرطو فرطو فرطو مش عايز يصدق ان دم زمايله وروحه مالهاش عندهم غير 18 ج مش عايز يصدق علشان مايكرهش البلد اللى ادها عمره وروحه كانت هاتروح علشانها
مش عايز يصدق انهم لما اهالى الاسرى قررو فى يوم يرفعو قضيه على الصهينه
كتمو وخوفوهم علشان يخرسو
انا كمان يا ستته امى جات اسكندريه كده متهجره من بورسعيد
ياعنى بردو هاتفضلى رفيكه السلاح
مرار والله وعلقم فى حلقى وزعلانه
افتكرت كلام كتير
بس بردو فاكره انه قالى هايجى اليوم اللى نكسرهم هو ربنا اللى قال
كان فى ظابط اخو المذيعه المشهوره زمان
تقريبا سلوى حجازى الله يرحمها
كان ظابط فى الجيش فى حرب 73 كان بيكوب جاز على الاسرى الاسرائلين ويحرقهم بجاز وسخ شالو من الجيش كنت اقول لبويا احسن يا بابا يقولى لاء لايعذب بالنار الا رب النار احنا نحاربهم اه وننتصر اه
انما حرقهم على ربنا دلوقتى رجعت تانى نفسى اولع فيهم
ياااااااااااه انا طولت اوى معلش
اعذرينى وان شاء الله تعالى الواجب دا بتاعى
شكرا ليكى اوى على التيوب
يارب يارب خلي الناس تهتم
يارب محدش يخذلني ويكأبني
يارب تصحي يا مصر
يارب تصحي يا أمة
يارب تنجح يا تتح
ياااااااااااااااااارب
تم عمل البوست يادكتور
http://2lamrosas.blogspot.com/2010/05/blog-post_16.html
وجاري دعوة ال 10 ولو بقوة السلاح
ان شاء الله هههههه
وهنشرها على الفيس بوك بردو
وشاكر جدا لحضرتك هذه الثقه الغاليه
وربنا يعيننا جميعا
" الطريق إلي عتليت " هذا هو اسم البرنامج الوثائقي الذي جعلني اصل بغضبي إلي أقصي ما يصل إليه الغضب في الإنسان ، ولا أقصد ذلك الغضب الذي نُهينا عنه كمسلمين ، بل الغضب من أجل سفك دم بدون سبب ، غضب بسبب قتل بني صهيون لأسري1967 المصريين ولم يفرقوا بقتلهم بين مسلم ومسيحي ، لم يفرقوا بقتلهم بين شاب في السادسة عشر وشيخ في الستين من العمر ، لم يفرقوا بقتلهم بين عسكري ومدني ، ذلك البرنامج الوثائقي الذي أنتجته قناة "الجزيرة " عام 2000 م ، تلك الفترة التي لم أكن أعلم عنها إلا أننا نكسنا فيها ، تلك الفترة التي سقطت من حسابات بني جلدتي ، لم يمحو غضبي زيارة الأصدقاء لي ، ولا زيارتي لهم ، لم يمحو غصبي مروري علي نهر النيل ، بل أصبح غضبي مثله في العطاء لمن حولي ، لم يمحوه رؤية الخضرة ، بل زاد عند رؤيتي لشجرة لا يوجد بين أغصانها ورقة واحدة ، تلك الشجرة ستكتسي في الربيع بالخضرة ، ولكن في داخلي سيزداد الغضب ، لا يوجد مخرج لنا مع بني صهيون إلا الحرب وكلانا يعلم ذلك ، أنا لا ادعوك لشعور سلبي ، ولكني أدعوك لمعرفة الحقيقة التي نسيناها وتناسيناها ، أدعوك أن تبحث عن الطريق إلي عتليت لتسير فيه بنفسك حتي تدرك ما حل بي ، ورأيته رأي العين ، فإنتقل في داخلي من منزلة علم اليقين إلي حق اليقين .
ده كان البوست بتاعي ساعتها
السلام عليكم
اولا احب ان اوضح عدة أشياء بالنسبة لتعليق حضرتك على تدوينة السلطانية عندي :
اولا :أشكرك على ثنائك على الموضوع ..
ثانيا : والله البوست مكتوب منذ مدة تقارب العام ونشرته في مدونة الضاحكون ولم انشره عندي وبنفس الاسماء ونشرته كما هو فمعذرة والله مش قصدي خالص ..
ثالثا : والله لا اسقط على افراد ولا مؤسسات والغرض منه كان ولا زال الضحك للضحك ..
رابعا: نحن نكن لحضرتك كل التقدير والاحترام ..
بالنسبة لدعوة حضرتك للواجب او التاج انا تحت امرك يا فندم والعمل طيب وان كنت احبذ ان يكون الطلب عام للدم المسلم في مصر وفلسطين وسوريا ولبنان .. ولكن ان شاء الله تكون بداية .. ولكن هل من الممكن امهالي اسبوع فانا والله مشغول في اعمال بناء وتشطيب في منزلي والعمال قارفني اخر قرف والوقت عندهم ليس له اي قيمة وكما ترين بالكاد ازور المدونات ولا ارد على التعليقات وانشر بوستات قديمة .. وتحت امرك مرة اخرى ..
تحيتي يا ستيتة هانم
و الله خليتيني ابكي يا دكتور و الله
قد ايه المصري غالي علينا اوي
المصري ده انسان بجد
و لازم بقى نصحى و نفوق و نسيبنا من مشاكل حكومتنا
و نبقى ايد واحدة
و نقف في وش كل غدار لمصر و شعبها
و نجيب حق كل مصري مات او عايش او هيتولد حتى
يا رب انصرنا على من يعادينا
يا رب تموت اسرائيل
خالص حبي و تقديري
عايز أدعيلك دعوة كبيرة جدا ... إزاي ؟
تم نشر الفيديو بنجاح و جاري مشاهدته ...
كلنا رهن الاشارة
و من الممكن ان يساهم احوال الهوي بجهد
حتي لو اعتبرتم ان ما تحويه المدونه بعيد كل البعد عن ما تريدوه
و لكننا جميعا نسعي لنفس الهدف
و عمنا بيرم المصري اول من نادي بانه لا سلام مع اسرائيل
و مازال ينادي في كل وقت و نحن نردد خلفه دائما
انا علي يقين ان حربنا القادمة مع اسرائيل سوف تجد جنودنا من ابنائنا لا طاقة لهم بها
فلا يغرنك الازياء و المظاهر المستفذه فالقلوب تعرف ان وقت الشدائد تصنع الرجال
تحياتي
معاكي يا ستيته رغم ياسي
انا شوفت الحلقه دي مره زمان بس هاشوفها تاني بعد ما اخلص الى ورايا بس
يا ستيته احنا اصلنا مش فاضيين ندور على تارنا
الله هو احنا مش بنفذ الخطه يا ستيته
بندور على المم الهم وملهيين فيه كويس
والى مش بيدور قاعد بيتفرج على خالتك مارلين ومادونا واخواتهم ؟
احنا ماشيين على الخطه يا ستيته وقفانا بيقمر عيش
معاكي يا جميل بدون ما اسمي يجى
والله يا ست الكل
مبعرف احط لينك فيديو ع المدونه
رجاء لو حد يعرف يقولي عندي واديله اميلي ويقولي ازاي
وله جزيل الشكر
رانيا
ربنا يكرمنا كلنا
وبمناسبة مرور 62 سنة على النكبة السودة
فأظن إن توقيت إثارة الموضوع كويس
مش مهم نحصل على حاجة على رأي لورانس العرب
المهم أن يعلم الذين لا يحاربوننا إلا من وراء بروج مشيدة "لأنهم جبناء" أننا لن ننسى
ويتعلمون أن العرب لا تغيبهم هموم النظام العالمي الجديد عن المطالبة بثأرهم
ربنا يكرمك ويبارك فيكي
سي السيد
كتر خيرك وشكر الله لك
جميل لو قدرنا ننشرها اكتر
جميل لو تفاعل الناس
واحد يقول المهم يعرف شبابنا سبب عدائنا لهم ايه
حلو انشر اليوتيوب لأنه اسهل على الشباب واعمل لهم حلقة بعد الجذب وقول واتكلم بالمختصر الواضح المفيد
واحد يقول عيب الشباب انه لا يقرأ ويستقي معلوماته من الفيديوهات
ما يمكن يا سيدي بيقرأ ولكن أيدلوجيته لا توافق هواك فاعتبرته غير مثقف
بلاش كبر
بلاش عنجهية
الكلام طبعا مش لك
ده لكل انسان نحاول نعمل بيه شيء نرهب به عدو الله وعدونا ويطلع فيها القطط الفاطسة على إنه سيد العلم والثقافة الأول
وكأن في أيدينا اليوم إلا جهاد الكلمة
اقصى ما نستطيع اليوم جهاد الكلمة وكلنا يعلم هذا
وسيأتي يوم إن شاء الله والكلمة دي ها تطرح جوانا غضب كافي علشان نزلزل غرور وصلف صهيون
شكر الله لك وتابع العشرة والعشرة اللي بعدهم من فضلك
وكل عام ونحن نجادل بمناسبة النكبة وعقبال العيد مية للنكبة وبني صهيون يحملون السلاح صغيرا وكبيرا
ونحن نشتم ونسفه رأي بعض صغيرا وكبيرا ايضا
ابو العريف
لأني جاية من درجة حرارة 47 فرديت على الناس كمان مرة
يبقى اشمعنى انت مش ها ارد عليك
ده حتى انت بتاع جرارات إلكترونية
لعلمك زعلتني
ماما بتقول على العيال اخواتي مهندسين مراجيح وكنت فاكراك نفس التخصص :)
شكر الله لك
ريتشاردي
ما دخلوا قرية إلا افسدوا فيها
ذكرهم الله لنا بكل صفاتهم وافعالهم ودنائة طبعهم وبرضه مصممين ننسى
طب ازاي ننسى كلام رب العالمين عنهم
ده القرآن مفصصهم
بس طبعنا كلنا النسيان
مساؤ حر يا ريتشاردي
ربنا يعافينا من حر جهنم
امين
سيادة الرئيس
سلمت يداك
والبوست بتاعك النهاردة وجع قلبي بشكل مش عارفة اوصفه
من كتر الوجع مش عارفة ارد
ومش ممكن اقرأه تاني
ربنا يفرج هم وكرب المكروبين ويدحر كل ظالم متكبر في الأرض ويرينا فيه اية
وما صلاح نصر وشعراوي جمعة ببعيد
ويكفي أن انسان يموت فلا يجد بني ادم يعقب ذكر اسمه بكلمة رحمه الله
اعاذنا الله واياك
تحياتي
استاذ سعيد
طبعا تم كتابة الكلمة لكل مدون
لأن ببساطة شديدة انا اعلم ان كل من دعوتهم سيلبون الدعوة
ولكن لازم برضه اقول لو حد مش عاجبه الموضوع او الطرح فمفيش مشكلة
ومتشكرة لحضرتك جدا وربنا يبارك فيك ويتقبل منك ويعينك على العمال ويصلح لنا الأحوال
هي دي الاهداف الشخصية بجد
و اشكر حضرتك بشدة على توجيه هذه الدعوة
و هذا وبدون مزايدات شرف لي ان حضرتك وجهتي احد الدعوات العشرة لي
و جاري تحضير الواجب
وجزاك الله خيرا و كل ده في ميزان حسناتك
مهموهه
يعني هو البرنامج يا مهموهه اصلا مش جديد
وبعدين القصة نفسها قديمة جدا
وانا كنت كاتبه بوست بعنوان انت 73 اوعى تصدق انك 67 والكلام ده من سنة
واصلا برنامج اختراق وقبل ظهور الفضائيات كان عامل برضه ملف تحفة
ده غير الكتب وكل واحد كتب كتاب حط وجهة نظره ووجهة نظر فريقه في حرب الأيام الستة وجميل تقرأي كل ده وتفهمي الرجالة اللي كانت عايشة ايامها اكتئبت اكتئاب لم يشفيه اي حدث اخر ليه
معلش اسفة يا مهموهه لو الموضوع اثر على نفسيتك
وربنا يمكننا من اسرائيل
ولد تحت الصفر
ادعي لي ربنا يكرمك
انا محتاجة دعوات كتير
حالا اروح اشوفه عندك وربنا يشكر لك
د. عصام علام
من الممكن ان يساهم احوال الهوى بكل شيء يشرفنا وهو اهل لذلك واكثر طبعا
احنا عاوزين نردد لحد ما صوتنا يوصلهم
وانا ايضا على يقين من ان حربنا معهم حتمية
وبما اننا في رباط الى يوم القيامة
يبقى ده مش كلامنا ده كلام خير البرية صلى الله عليه وسلم
ده الأمل يا استاذنا العزيز
ربنا يكرم حضرتك
ندى الياسمين
ولما انتي تكتبي ها تكتبي شكل تاني
وياريت متنسيش قصة دعوة عشر مدونين
انا شايفة انها تقريبا تقيلة على الناس ومش عاوزين يدعو احد معنا
وانا املي ان تتوسع الدعوة بحيث بكره الصبح يكون العدد اكبر من النهاردة
عرف العالم عن العرب انهم يقوموا قومة وبعدين يهبطوا ويتبطوا
نفسي مرة واحدة يلاقوهم بيقوموا شويتين زيادة لله
اما عن التغييب فده عيشتنا كلنا
وبكره او بعده انا كمان ها اجري ورا المم الهم او التغييب بقضية ولا تستاهل
بس بما اني النهاردة فايقة
فربنا يتقبل خالصا لوجه الكريم
ربنا يشكر لك ويكرمك يا حبيبة قلبي
وليد الدوغري
انت بتتكلم زي الناس اللي بيكلمونا وكأننا ولدنا من بطون امهاتنا امام شاشات اللاب توب
طب ما ندى الياسمين هي اللي علمتني ازاي احط فيديو
وفاتيما هي اللي علمتني ازاي اعمل لينك
ودودو عرفتني ازاي انزل برنامج من النت
وقلم رصاص علمني احفظ المدونة كل شوية علشان لو حصل فيها شيء لا افقد المواضيع
ومازلت اتعلم من كل منكم درس يومي
عادي يا ابو الولد
وانت بتكتب بوست وفي مربع الكتابة نفسه فوق على اليمين ها تلاقي كلمة تأليف ودي اللي انت بتكتب فيها
وها تلاقي كلمة HTML دوس عليها
ثم روح للفيديو في نافذة تانية
ها تلاقي تحت الفيديو كلمة Embed دوس عليها
ها يظهر لك كود خده كت اند باست
حطه في مربع ال HTML ثم دوس على تأليف اللي جنب الكلمة وابدأ اكتب براحتك
وانت بتكتب مش ها يظهر لك الفيديو الا على شكل مربع خالي
بس اول ما تنشر ها يظهر في المدونة زي الفل
أي خدعة يا عم الحاج
استاذ عثمان
والله انا اللي في قمة السعادة
يجوا اللي بيقولوا ان مفيش امل
يجوا يشوفوا اول ما قلنا يا ناس الحق لازم نتكلم عنه البشر اتجمعت ازاي
امال لو نادينا في البلاد يا بشر الحق اوان رجوعه ها يحصل ايه؟
ربنا يجعل كل ده خالصا لوجه الكريم بلا شبه رياء او سمعة ولو ان الشيطان يجري من ابن ادم مجرى الدم ولكن ربي مطلع على القلوب والنوايا وهو سبحانه يغفر لنا اي ذلل
تحياتي
لقد كتبت الموضوع دكتورة ومررت الدعوة كما هو مطلوب لعشرة اشخاص
فعلا جرائم اسرائيل لا يجب أن تنسى يجب علينا أن نعرف الاجيال الجديدة عليها كما فعل من قبلنا معنا
اسرائيل عدو لايجب ابدا ان ننسى هذا مهما هلل المطبعون ومهما ساقوا من حجج وتبريرات
دمت بكل ود دكتورة
تتح هينجح لو كلنا اتحادنا
استأذن حضرتك انا نشرت عن الموضوع عندى
ازيك يا دكتور؟
يارب تكونى فى افضل حال انتى والاسره الكريمه
باجى متأخر كالعاده ولكن
انا عاوز اشكرك على طرح الموضوع المهم جدا دا
وفكره تمريره لاننا كلنا لازم نكتب
انا كتبت امبارح ويمكن دا هيكون اخر بوست قبل انقطاعى لاكثر من شهر لظروف السفر
خليكى دايما يا دكتور مهتمه بالقضيه اصلى خايف ننسى وبادعى ربنا نفضل فاكريين لان طول ما احنا فاكريين يبقى فيه امل ان شاء الله
واذا كان والدى وجيله طردوهم من سينا يبقى فيه امل اذا مكناش احنا يبقى اولادنا يطردوهم من فلسطين العزيزه ويمحوهم من على وجه الارض
تحياتى
معاكوا يا سوتيته باذن الله
ولا يضيع حق وراءه مطالب
وادي لينك الواجب :))
http://5fadfada.blogspot.com/2010/05/blog-post_1612.html
السلام عليكم ..
بارك الرحمن بكى أختى الكريمه ..
أكيد معاكى قلبا و قالبا ..
شكرا لكى ..
دمتى فى حفظ الله
تحياتى لكى
نزلت الكليب فى الفيس بوك .. محاوله للانتشار أسرع ..
ربنا يكرمكم كلكم يا قوم
ماهي دي قضية عامة توحد الرأي بدل قصص اننا نيجي لبعض على الهايفة ونتصدر
الأيام الجاية ها أحاول اجيب اشياء تجمعنا وتوحد قلوبنا حتى لو اختلفت الأراء
تحياتي
قرأت المقال وعلى وعد أن أعد لمشاهدة الفيلم
شاكر على هذه الجرعة الثورية الصباحية
" واختلاف التوقيت من عندى "
جميلة المدونة
دكتورة ستيتة
بإذن الله أنا مشارك وهأنشر عن الموضوع عندى
بس بأستأذن فى اللينكات الموجودة فى الموضوع وخاصة الفيديو تنسخيا فى التعليقات لإن عندى مشلكة فى الجهاز مش بيشغل فيديوهات اليوتيوب لى المدونات ومش فاهم السبب
فياريت تنسخيه فى التعليقات علشان ارفقه بالموضوع
تحياتى دوما
الأزهري
ربنا يبارك فيك
الطريق لعتليت الجزء الأول
http://www.youtube.com/watch?v=Jkuk2RAR9VI&feature=player_embedded
الطريق لعتليت الجزء الثاني
http://www.youtube.com/watch?v=YQcH4X7OzV0&feature=channel
وياريت تنشط الدعوة بحيث ترجع الأسبوع ده تلف تاني
تحياتي
إرسال تعليق