حاولت مبدأيا أبان صامدة في رد فعلي
وفعلا الأول كنت متبلدة كدة وبهزر
وكمان تذكرت سميرة ابراهيم وبنات كشف العذرية
وقلت أه ياشعب ملكش ستين سبعين أي لذمة
بقى اللي قلعوهم ملط واتعرضوا لإنتهاك جسدي وانتهاك نفسي كذبتهم
ومصدوم جدا وعامل فيها بعبع الليالي وخُط الصعيد على ده
وطبعا هنا باتكلم عن الشعب الإلكتروني
اللي اتصدم من فيديو ولم يبدي أي إهتمام بسميرة ومثيلتها
البنات اللي خافوا ياخدوا حقهم في بلد ها تدينهم تحت أي بند
ها تدينهم وتدين عائلاتهم وأسماءهم أبد الدهر
البلد اللي المُغتصَبة فيها تلام بشكل أو بآخر
أما الشعب الحقيقي .. الشعب اللي مش فوتوشوب
فده أساسا ها يلجأ لحيلة الإنكار النفسي علشان يرتاح
الفيديو فوتوشوب
الطرف الثالث
الأجندات الأجنبية
وإن معرفش يكذِّب الفيديو "باقي فيه شوية نظر"
الكلمة الشهيرة : وهي إيه نزلها من بيتها
فين أهلها اللي سايبنها في الشوارع
الغازية لازم تنزل
قالوا القص أحب سلامة
أي هبل في الجبل
فضلت أقاوم
فضلت أصالح في روحي
وعملت نفسي نايمة
مش قادرة
عملت فيها جامدة
عملت فيها باردة
عملت مش هامنني
كأنهم مش مني
لا أهلي ولا بناتي
10 شهور بهاتي
والناس يالطيف
باردين تقول حلاليف
لكن فعلا في اللحظة دي عندي ألم بشع في الحجاب الحاجز
مش عارفة أخد نفسي
عندي رعشة في جسمي كله
ومش بعيط
يارب اعيط
الفيديو الحقير ده صادم
أي نعم إتصدمنا كتير من أول الخُلع السياسي
بس كل صدمة تهون أمام الفيديو ده
أتصدمت في خمسين شيء كانوا كبار جوانا
في جيش مصر .. اللي هو غير المجلس العسكري خالص!!
في شعب مصر
اللي يشوف اللي على مزاجه بالشكل اللي على مزاجه في الوقت اللي على مزاجه
في الشعب
اللي ممكن تُسوق له أي قمح مسرطن لو وضعته في مغلف شيك
في المروءة
في الرجولة
في تقديرنا للعلم
في قيمة ابن آدم عندنا
وطبعا لا أتصدمت في إخوان ولا سلفيين
دول عندي ومن الأول زي ما هم
دول الناس الواضحة من أول يوم التنحي
وبعدين يامصر
خلاص بلاها تغيير بلاها تقدم
خلاص يامصر
ياعسكر يا مدعيين
خلاص يامصر يستر عرض بناتك يابلدي
يعوض عليكي عوض الصابرين 7000 سنة ياغالية
خلاص لله .. مش باقي فينا شيء
وفعلا الأول كنت متبلدة كدة وبهزر
وكمان تذكرت سميرة ابراهيم وبنات كشف العذرية
وقلت أه ياشعب ملكش ستين سبعين أي لذمة
بقى اللي قلعوهم ملط واتعرضوا لإنتهاك جسدي وانتهاك نفسي كذبتهم
ومصدوم جدا وعامل فيها بعبع الليالي وخُط الصعيد على ده
وطبعا هنا باتكلم عن الشعب الإلكتروني
اللي اتصدم من فيديو ولم يبدي أي إهتمام بسميرة ومثيلتها
البنات اللي خافوا ياخدوا حقهم في بلد ها تدينهم تحت أي بند
ها تدينهم وتدين عائلاتهم وأسماءهم أبد الدهر
البلد اللي المُغتصَبة فيها تلام بشكل أو بآخر
أما الشعب الحقيقي .. الشعب اللي مش فوتوشوب
فده أساسا ها يلجأ لحيلة الإنكار النفسي علشان يرتاح
الفيديو فوتوشوب
الطرف الثالث
الأجندات الأجنبية
وإن معرفش يكذِّب الفيديو "باقي فيه شوية نظر"
الكلمة الشهيرة : وهي إيه نزلها من بيتها
فين أهلها اللي سايبنها في الشوارع
الغازية لازم تنزل
قالوا القص أحب سلامة
أي هبل في الجبل
فضلت أقاوم
فضلت أصالح في روحي
وعملت نفسي نايمة
مش قادرة
عملت فيها جامدة
عملت فيها باردة
عملت مش هامنني
كأنهم مش مني
لا أهلي ولا بناتي
10 شهور بهاتي
والناس يالطيف
باردين تقول حلاليف
لكن فعلا في اللحظة دي عندي ألم بشع في الحجاب الحاجز
مش عارفة أخد نفسي
عندي رعشة في جسمي كله
ومش بعيط
يارب اعيط
الفيديو الحقير ده صادم
أي نعم إتصدمنا كتير من أول الخُلع السياسي
بس كل صدمة تهون أمام الفيديو ده
أتصدمت في خمسين شيء كانوا كبار جوانا
في جيش مصر .. اللي هو غير المجلس العسكري خالص!!
في شعب مصر
اللي يشوف اللي على مزاجه بالشكل اللي على مزاجه في الوقت اللي على مزاجه
في الشعب
اللي ممكن تُسوق له أي قمح مسرطن لو وضعته في مغلف شيك
في المروءة
في الرجولة
في تقديرنا للعلم
في قيمة ابن آدم عندنا
وطبعا لا أتصدمت في إخوان ولا سلفيين
دول عندي ومن الأول زي ما هم
دول الناس الواضحة من أول يوم التنحي
وبعدين يامصر
خلاص بلاها تغيير بلاها تقدم
خلاص يامصر
ياعسكر يا مدعيين
خلاص يامصر يستر عرض بناتك يابلدي
يعوض عليكي عوض الصابرين 7000 سنة ياغالية
خلاص لله .. مش باقي فينا شيء
12 التعليقات:
مش باقي مني غير شوية ضي في عنيا انا هادهوملك وامشي بصبر في الملكوت يمكن في نورهم تلمحي خطوة تفرق معاكي بين الحياة والموت
مش باقي مني غير شوية دم متلوثين بالهم مرين وفيهم سم مقدرش اسقيكي مواجعهم وبرضه مقدرش ارميكي وابيعهم يمكن في مرة تطلبيني شهيد هحتاج يوميها الدم يمضي علي شهادتي
:(
التاريخ علمنا من ايام الفراعنة اننا دايما نتسرق ونتسحل و ينضحك علينا وبنستعبد وننضرب لكن مش بنموت
بنفضل لسه احياء
اللي حصل النهاردة وامبارح مش قليل لا فوق طاقة اي شعب شايف تراثه بيتحرق وبناته بتتسحل ومشايخه بيستشهدوا
لكن الضباب محاوطهم العيب الحقيقي في الضباب اللي عايشينه والله فوقنا لندن مدينة الضباب في الضبابية اللي عايشينها او اللي بنقنع نفسنا بيها ساعات بتكون كل حاجة واضحة لكن من قسوتها بنقنع نفسنا اننا مش شايفينها
يعني صورة الجنود والضباط واضحة زي الشمس نقنع نفسنا بان الصورة مفبركة ونقنع نفسنا ان الثوار بلطجية ونقنع نفسنا اننا لما نلعنهم يبقى احنا على حق وكل ده ليه
علشان شوية كراسي في برلمان مستعبد تابع للعسكر
لعنة الله على كل واحد ينظر لمصلحته الشخصية وينسى ارواح وتاريخ وحضارة نزفها لم يجف بعد
الشعب المصري سينهض من جديد يا دكتورة هكذا علمنا التاريخ
تحياتي
كل واحد فيكم يوصي أبنائه
مش الكبار
الصغيرين
واللي لسه في ضهره
مش علشان ها يموت
الموت شرف لا يناله الآن من يطلبه ومن يزايد في طلبه
ناله شيخ لم نعرفه ولم تريد لنا بلدنا أن نعرف قيمته إلا بعد رحيله
مثله مثل الكثير من الشهداء
لم يعلن عن بطولاته
ترك التاريخ ليسطرها
وحشد له الله ألوف ليكونوا شهداء له بما يشهد الناس
وصوا أبناءكم
لأن بداية مصر عندهم مش عندنا
ليذكرونا بخير
وان شاء الله ربنا رفع ذكرنا من يوم 25 يناير
بيضنا صفحة في تاريخ أسود
لكن مصر ليست مستعدة
لسه عليها حبة
فاضل لها تجربة
الوعي مش ببلاش
والتخلص من كل مخدرات اللي اندست في دمنا بياخد وقت
وصوا أبناءكم
كل اللي ماتوا واللي ها يعيشوا بعجز ضحوا علشانهم
قولوا لهم لو لم تملكوا من القوة ما يؤهلكم لدعم اهل الحق
فلا ترتضوا جانب أهل الباطل
لو كنتم ضعاف
فانصروا أهل الحق ولو بالقلوب
وإن لم تنصروهم فلا تكونوا عليهم
برضه قلبي لسه واجعني
احنا حاولنا بس للاسف الظاهر العملية منجحتش
احنا حاولنا وكان عندنا مليون سبب للنجاح
بس شدنا ٥٠ مليون سبب للفشل واحنا مش هنقدر نقاول يا دكتورة كل دا احنا لينا طاقتنا برضو
احنا كان جوانا حلم بنفكر بيه لايامنا
ربنا ينتقم منهم قتلو ايامنا وهانو روحنا وسجنوا حلمنا
حسبنا الله ونعم الوكيل احنا سعينا
ربنا يتقبل سعينا ويجيب النصر من عنده
ويصلح حال اطفال البلدى بلاش احنا حتى احنا شفنا المر وعلم علينا خلاص
ربنا كريم ملناش غيرة اعتقد اننا عملنا كل اللى نقدر عليه واتحملنا اللى محدش يتحمله بس اهانه روحنا بالشكل دا كسرة نفس ملهاش قومه
زى ما قولتى خلاص يا اولاد روحوا بيتكم اولى بيكم هتحميكم من غدر كل اللى حواليكم حلمكم مش كفاية سعيكم مش كفاية عدوكم منتشر زى الاخطبوط بيتلون ولية مليون رجل بتشد فيكم خلاص استسلموا الاستسلام حماية ليكم ولبناتكم وزوجاتكم :( انا موجوووووووعة
حسبنا الله و نعم الوكيل
قالها أحمد سعيد قبل كده في مدونته
قال إن فيه بعض القوات في الجيش من الصاعقة و المظلات و الشرطة العسكرية و الحرس الجمهوري و المخابرات الحربية و التحريات العسكرية أغبى من الأمن المركزي مليون مرة
و بيطيعوا أوامر القتل و التعذيب طاعة عمياء و هم عصا المجلس العسكري الغليظة
بس ما ضاقت إلا أما فرجت
فرج ربنا قريب
قولوا يارب
مش عارف اقول ايه يا دكتورة
الحقيقة واضحة و الناس مش شيفاها
الجنزورى طالع على كتفه عجلة الانتاج خايف لتنام و بيقول ماطلقناش رصاص و عندما تصدر مشهد الشعداء شيخ و طالب طب
تحول المشهد من بلطجية لعيال
المصيبة السودة ان فى ناس بتصدقه
تقريبا دلوقتى مبقتش فادر ارد على حد
عارفه بخلى مين يرد
بنتى ساليناز اللى عندها ست سنين اقولها ردى على عمو او تانت و قلولهم مين كانوا فى التحرير
لكن يا دكتورة فى وسط كل الالم
ارجع و اقول
لسه الطيور بتفن
و النحليات بتطن
و الطفل ضجكه يرن
مع ان مش كل البشر
فرحانين
تحياتى
ياريت يا دكتوره تشوفي الفيديو اللي نزله المجلس العسكري والفيديو الخاص بحريق المجمع العلمي
فهذا الفيديو يمثل فقط نصف الحقيقه
اما النصف الآخر موجود في حالة الاعتداء على المنشآت العامه من جانب المتظاهرين
الشعب الحقيقي يا دكتوره والباحث عن حقه لا يفعل هذا أبدا
http://www.youtube.com/watch?feature=player_embedded&v=xN-f2rbiKPw
بالطبع انا لا أبرر المشهد المتعلق بالفتاه
لكن في الوقت نفسه من تسبب في هذا الوضع يا دكتوره؟
تخيلي الآن انه لو كان كل واحد من هؤلاء موجود في بيته- ماذا كان سيحدث؟
وماذا حدث بعد ان احتك احدهم بالضابط وطالبه ببطاقته؟
انقلبت الدنيا ومات 10 واحترق مبنى اثري
هالف ألف وارجع أقولك نفس الكلام يا دكتوره
المعتصم هو اللي غلطان وهو السبب في كل اللي بيحصل ويتحملون المسئوليه كامله
وما أضاع الدنيا في هذا البلد إلا زيادة الطبطبه على المخطئين
http://www.youtube.com/watch?v=8grDc-iz5wg
_________________
انا بتكلم معك بحريه ومختلف معك من فتره طويله
لكن عارف انك مش هاتتضايقي مني
لما شوفت الصورة الاول قعدت ادعك في عيني عايزة اخلعهم
وبعدين صوت وانا مش من هواة الصويت اصلا
وماادرتش امنع نفسي اني ادعي عليهم وانا اللي مش بحب ادعي عليحد بكتفي بحسبي الله ودي كبيييييييييرة لم يحس
لكن لاقيتني بقول يارب يتعمل كده في اختك زوجتك بنتك وقصاد عينيك
وماتقدرش تعمل حاجة فاتقوم تتشل
ربنا يفضح عرضك زي مافضحت بنات الناس
جيش فين الجيش ده
ده العسكرية شرف ورجولة وانا لاشايفة شرف ولا رجولة
عايزة ايه من شعب وصل لمرحلة ان اللي تتعاكس في الشارع عااااااادي ولا حد يتهز
وصلوا لمرحلة التحرش الجماعي بيتفرجوا عليه ولا نسينا حادثة العيد
؟؟!!
اما الاسلامين اللي عاملين نفسهم اسلامين
قالولك احسن علشان لما نقول البنات تقعد في البيت يبقا يسمعوا الكلام
وبالمناسبة عايزة اقول لهم خيبتكم كحلي
المشكلة ياستيته اني رحت عزا
لاقيت كل اللي هناك مع اللي بيعمله الجيش في الشباب
طيحت فيهم وسبت العزا وقمت
بعد ماقلت لهم اللامبارك قدر يعملكوا عبيد
عمل اللي ماقدرش عليه المماليك
بس برضوا متفاااااائلة
وحاسة ان ده خير
ليييييييييييه
علشان فضيحة التيارات اللي عامله نفسها بدافع عن دين الله اتفضحواااااااا
الناس مُغيبة
يا دكتورة
والله والله والله و الله و الله
لو حد هنا لكان اتشل
اوريهم الفيديو
يقولك تلقيهم عمله حاجة
الناس مبقوش حلاليف الناس
الناس بقت أنطاع و جبلات
ربي يحميكي يامصر يارب
تحياتى لك
نور
لك الله يا مصر..ارى امامي هيباتيا التي قالت لا ورفضت الواقع القائم وهى تسحل وتتعرى وتقذف بالاحجار..ابوس على يديكي يا بنت ايزيس..وامسح دمائك..واستدير لاقتل قاتليكي..!!
http://illupo77.blogspot.com
إرسال تعليق