لن أطيل الحديث ولا الكتابة
فنحن أصبحنا قوم بلا مرارة .. أي والله منه لله اللي شال السلم
بالنسبة للثورة مستمرة .. لأننا مخلصناش علشان نحتفل "بذكرى" ثورة
(إيه ذكرى دي؟ الذكرى السنوية الأولى للمرحوم؟)
عقلي شاف حاجات
1- برامج التوك شوز اللي بنهاجمها - سواء برامج سوية أو برامج موجهة - لها تأثير طيب
والواحد بيكلم الناس حواليه يحس إن خلاص
كلنا بقينا الراحل ميكي ماوس بس بدل سينمائي سياسي
شيء مشرف بجد
حتى العيل الصغير عارف - بالمضمون العام - مين حلو يا طنط ومين وحش ومين يسقط يسقط
2- المصري اتغير
مهما حاولت تنكر
المصري ده مش هو المصري بتاع زمان
اللي فيلم ينسيه وتفجير يلمه وفزاعة تخليه يتربس على العيال
المصري فعلا وصلت معاه للمناخير
وعليه فاللي ها يفكر يلعب بيه يا ويله بجد .. مش مجاز
العسكري مش ها يحكمها تاني
حسني وشلته ها يتحاكموا بجد وها تشوفوا
الشرطة ها تتصلح مهما تمت صفقات
اللي فاز بالمجالس النيابية لو مكنش يعرف اننا صاحيين أديه امبارح خد فكرة ويجي بكرة
المصري شد ضهره .. وفرد طوله .. وداس على آلامه الكبدية والكلوية والسرطانية
قدر يمشي في المسيرات رغم تآكل غضاريفه
وربنا سخره على الظالم والبلطجي والقتال القتلا وابن الحرام
الحمد لله
3- المصيبة - بجد - محدش عارف الموقف يتم إزاي
بمعنى كله في المسيرة عارف مين لازم يخرج من الحكم
ومين يتحاكم
وطريق الإصلاح بدايته "ولكم في القصاص حياة"
وإن النظام الفاسد لم يسقط منه إلا قشرة
لكن مفيش بني آدم عارف التسلسل "الآمن" يتبع مين
والمصري عاوز التسلسل الآمن بالمناسبة
مش ها يوافق يراهن ويقامر على البقية الباقية من برميل الطرشي
يعني مش متفق المجلس يخرج النهاردة ولا بعد 5 شهور؟!!
حسني يتحاكم زي ما هي ماشية كده ولا نجيب رقبته بمحكمة ثورية؟!!
الناس مش متفقة على آلية لأن مفيش بني آدم يحترموه ويمشوا وراه؟!!
لأول مرة مصر بلا فرعون .. مع تحفظي إنها لسه لم تُسقط من داخل وجدانها كل الفراعين الإعتبارية
وعليه مضطرة تفكر مش بس تقول إخترناه صدق الله العظيم
4- المتحرشين بلطجية نظام ولا قابضين؟
حد يعرف المعلومة دي بشكل يقيني؟
إيه الثقة دي؟
ده خيال ورومانسية ثورية تتمنى كل الخير والنجاح وتنفي الخيبة وأهلها
من الآخر كلمة (شكلهم مش ثوار) كلمة ساذجة وقيلت على شهداء محمد محمود ومجلس الوزراء
وبعدين أنا يضحكني جدا لما حد يقول انا نزلت عاينت التحرير وشفت اشكال لم تعجبني
دول يا حبايبي المصريين
متحرشين وسُبة في جبين الوطن وناس منفلتة تستحق العقاب
لكنهم المصريين
بتوع تحرشات العيد وجامعة الدول ووسط البلد
بتوع أعلى إيرادات لفيلم الهرم
وأكبر دخول على المواقع الإباحية في الإنترنت
هو فيه ست بتعرف تمشي في شارع فيكي يا مصر
إلا لو ربنا ساترها بعربية أو مواصلة من البيت للكباريه ومن الكباريه للبيت؟
دول المصريين وربنا يصلحهم من القلب للحواس
مش بهيئة الأمر والنفاق
5- الوحيد اللي فهمك يا مصر انتحر
أصلك تركيبة عجيبة
لا ينفع معاك فتح مندل ولا قارئة فنجان
ولا حد عارف أهلك إيه يجمعهم وإيه يفرقهم
قالوا ها يحتفلوا
خذلوا المنجمين
قالوا ها ياخدوا الكوبونات من الأرض
ولا سألوا عن الكاذبون اللي حنسونا:)
قالوا مش ها ينزلوا
نزلوا في مصر كلها
قالوا ها يهتفوا لبابا جديد
هتفوا يسقط يسقط حكم العسكر ورسموا مبارك في المشنقة
قالوا نسيوا الشهداء وها يتبعوا الإخوان
عملوا مسلة رائعة عليها أسماء أغلى عيالك يا مصر
قالوا ها يولعوها ويحرقوها
غاظوا قلوب الأعادي وردوا كيد قوم فاسقين
قالها جاهين
وأكرهها وألعن أبوها بعشق زي الداء
وأسيبها وأطفش في درب وتبقى هي في درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على إسم مصر
ويتبقى أن نسأل
1- عاوز إيه يامصري؟ لازم نتفق علشان نوصل
2- ها نكملها إزاي؟ ولا هو إمبارح وأبوك عند أخوك
3- خليك قوي.. إنت ها تمشي اللي انتخبتهم والا هم اللي يمشوك؟
فنحن أصبحنا قوم بلا مرارة .. أي والله منه لله اللي شال السلم
بالنسبة للثورة مستمرة .. لأننا مخلصناش علشان نحتفل "بذكرى" ثورة
(إيه ذكرى دي؟ الذكرى السنوية الأولى للمرحوم؟)
عقلي شاف حاجات
1- برامج التوك شوز اللي بنهاجمها - سواء برامج سوية أو برامج موجهة - لها تأثير طيب
والواحد بيكلم الناس حواليه يحس إن خلاص
كلنا بقينا الراحل ميكي ماوس بس بدل سينمائي سياسي
شيء مشرف بجد
حتى العيل الصغير عارف - بالمضمون العام - مين حلو يا طنط ومين وحش ومين يسقط يسقط
2- المصري اتغير
مهما حاولت تنكر
المصري ده مش هو المصري بتاع زمان
اللي فيلم ينسيه وتفجير يلمه وفزاعة تخليه يتربس على العيال
المصري فعلا وصلت معاه للمناخير
وعليه فاللي ها يفكر يلعب بيه يا ويله بجد .. مش مجاز
العسكري مش ها يحكمها تاني
حسني وشلته ها يتحاكموا بجد وها تشوفوا
الشرطة ها تتصلح مهما تمت صفقات
اللي فاز بالمجالس النيابية لو مكنش يعرف اننا صاحيين أديه امبارح خد فكرة ويجي بكرة
المصري شد ضهره .. وفرد طوله .. وداس على آلامه الكبدية والكلوية والسرطانية
قدر يمشي في المسيرات رغم تآكل غضاريفه
وربنا سخره على الظالم والبلطجي والقتال القتلا وابن الحرام
الحمد لله
3- المصيبة - بجد - محدش عارف الموقف يتم إزاي
بمعنى كله في المسيرة عارف مين لازم يخرج من الحكم
ومين يتحاكم
وطريق الإصلاح بدايته "ولكم في القصاص حياة"
وإن النظام الفاسد لم يسقط منه إلا قشرة
لكن مفيش بني آدم عارف التسلسل "الآمن" يتبع مين
والمصري عاوز التسلسل الآمن بالمناسبة
مش ها يوافق يراهن ويقامر على البقية الباقية من برميل الطرشي
يعني مش متفق المجلس يخرج النهاردة ولا بعد 5 شهور؟!!
حسني يتحاكم زي ما هي ماشية كده ولا نجيب رقبته بمحكمة ثورية؟!!
الناس مش متفقة على آلية لأن مفيش بني آدم يحترموه ويمشوا وراه؟!!
لأول مرة مصر بلا فرعون .. مع تحفظي إنها لسه لم تُسقط من داخل وجدانها كل الفراعين الإعتبارية
وعليه مضطرة تفكر مش بس تقول إخترناه صدق الله العظيم
4- المتحرشين بلطجية نظام ولا قابضين؟
حد يعرف المعلومة دي بشكل يقيني؟
إيه الثقة دي؟
ده خيال ورومانسية ثورية تتمنى كل الخير والنجاح وتنفي الخيبة وأهلها
من الآخر كلمة (شكلهم مش ثوار) كلمة ساذجة وقيلت على شهداء محمد محمود ومجلس الوزراء
وبعدين أنا يضحكني جدا لما حد يقول انا نزلت عاينت التحرير وشفت اشكال لم تعجبني
دول يا حبايبي المصريين
متحرشين وسُبة في جبين الوطن وناس منفلتة تستحق العقاب
لكنهم المصريين
بتوع تحرشات العيد وجامعة الدول ووسط البلد
بتوع أعلى إيرادات لفيلم الهرم
وأكبر دخول على المواقع الإباحية في الإنترنت
هو فيه ست بتعرف تمشي في شارع فيكي يا مصر
إلا لو ربنا ساترها بعربية أو مواصلة من البيت للكباريه ومن الكباريه للبيت؟
دول المصريين وربنا يصلحهم من القلب للحواس
مش بهيئة الأمر والنفاق
5- الوحيد اللي فهمك يا مصر انتحر
أصلك تركيبة عجيبة
لا ينفع معاك فتح مندل ولا قارئة فنجان
ولا حد عارف أهلك إيه يجمعهم وإيه يفرقهم
قالوا ها يحتفلوا
خذلوا المنجمين
قالوا ها ياخدوا الكوبونات من الأرض
ولا سألوا عن الكاذبون اللي حنسونا:)
قالوا مش ها ينزلوا
نزلوا في مصر كلها
قالوا ها يهتفوا لبابا جديد
هتفوا يسقط يسقط حكم العسكر ورسموا مبارك في المشنقة
قالوا نسيوا الشهداء وها يتبعوا الإخوان
عملوا مسلة رائعة عليها أسماء أغلى عيالك يا مصر
قالوا ها يولعوها ويحرقوها
غاظوا قلوب الأعادي وردوا كيد قوم فاسقين
قالها جاهين
وأكرهها وألعن أبوها بعشق زي الداء
وأسيبها وأطفش في درب وتبقى هي في درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على إسم مصر
ويتبقى أن نسأل
1- عاوز إيه يامصري؟ لازم نتفق علشان نوصل
2- ها نكملها إزاي؟ ولا هو إمبارح وأبوك عند أخوك
3- خليك قوي.. إنت ها تمشي اللي انتخبتهم والا هم اللي يمشوك؟
12 التعليقات:
إحنا فى مرحلة التذبذب بعد ضغط وشد كتير
ودى لها تشبيهين عندى
ربما بشك ريفي حبتين بس بأطرحهم علىالناس عندنا دايما وأنا بأناقشهم
الأول
الاستك ...تخيلى استك مشدود بقوة جامدة وتسيبيه .....هيرجع مكانه فورا ؟؟
طبعا لأ بيتذبذب لفترة وبعدها يستقر
التانى
موج البحر أو الناس بتجرى
موج البحر مش كله بيوصل للشط فى لحظة واحدة لك بتتابع
والناس لما بتجرى مش كلها بتسبق
فى واحد لياقته قوية وبيوصل الول وبعده التانى والتالت ووووووو
إحا ربا كرما وكنا فى الموجة الأولى
لكن فى ناس لسه مش مستوعبة وبتجمع نفسها لكن بإذن الله هتوصل مع الوقت
أهم حاجة نفضل على الطريق
خير ان شاء الله
احنا ماشيين على السكة الصح
صحيح في شوية لخبطة و بطء و تعثر
بس ماشيين و حنوصل إن شاء الله
بتمني اني اشوف رئيس مدني حر
بلا مراره فعلا شلتها من زمااااااااان وطبعا السبب زاوومان
عارفين البدايه كويس جدا ألا وهي ما ذكرتيه من أننا أتغيرنا وشدينا ضهرنا
1- عاوز مصر تبئا مصر ..بلدي
2- بدراعنا هنكملها واللي مشهيعجبنا هنغيره بهدوء وبالحسنى الأول وبعديننقلب بئا وتبئا بالدراع و....والليخايف يروح
3 - طبعا وبلا ريب أو شك هنمشي من يجرؤ ويحكم ...عالعجين ما يلخبطوش
ويا ويله يا سواد ليله ..ونهاره بالمره
قلتها قبل كده نتيجة الانتخابات خداعة و مش كون ان الاخوان كسبوا يبقى الشعب وراهم هم كسبوا علشان ظروف تانية خالص
الاخوان اسهمهم بتنزل و احزاب تانية حاليا بتزيد بس محتاجة وقت
المنظر امبارح كان مفرح جدا كان فيه الكل على حقيقته بس الاهم ان معدن الشعب المصري ظهر على حقيقته الاغلبية جدعان و رجالة والشهامة بتطل من عينيهم اما المتحرشين فهم موجودين تلاقيهم في الاعياد في وسط البلد و ده من زمان مش من امبارح يعني مش جديد يمكن اللي امبارح كانوا بلطجية بس مش معناه انها ظاهرة مش موجودة في المجتمع و يجب اصلاحها
الاخوان لازم يغيروا سياستهم و يفهموا بقى ان اختيارهم مكنش علشان همه الافضل بقدر انهم الاجهز بقدر علشان دعايتهم المتسترة خلف الدين بقدر ما هو كان عناد مع النظام السابق اللي ظلمهم
انتخابهم كان نوع من انواع المجاملةاغلب اللي انتخبوهم عندنا يقولك علشان همه اتظلموا كتير واتبهدلوا كتير
الناس هتفوق من السكرة و هتعرف اللي ليها و ازاي تختار و تنتخب و وقتها الاخوان مش هيقدروا يلوموا غير انفسهم و الحكمة بتقول الغرور بداية النهاية واللي بيحصل حاليا في المجلس هو غرور
ويتبقى أن نسأل
1- عاوز إيه يامصري؟ لازم نتفق علشان نوصل
السؤال ده لو سألتيه لكتير من المصريين ... مش هيعرفوا يجاوبوا عليه ... بس الغالبيه العظمى عايزه اشياء معنويه لا يمكن قياسها ... زى الستر مثلاً ... عارفه فيه عندنا مشكله ان احنا منعرفش الحد الادنى من مستوى الحياه المحترمه الكريمه ... عارفه يا دكتوره انا زمان لما كنت بنزل القاهره واشوف زحامها واشوف 300 بنى ادم ف اتوبيس سعته 50 ... كنت بحزن بس ف نفس الوقت بقول همه يستهلوا ... ده على اساس زى ما انتى عارفه ان بورسعيد بتتمتع بمستوى خدمات نظرا لقلة عدد افرادها - لم تكمل المليون بعد - عالى ... الاستاندرد ف كل حاجه واى حاجه معدوم عندنا ... من اول الغذاء ومحتوياته وسعراته ... و... و,,, و ... وحتى الاستاندرد ف عروض الشوارع ... والمساحات الخضرا ... والمستوى العلاجى ... يعنى ف الاخر ... المصرى عايز اى حاجه ... اهو اللى يجييى منهم احسن منهم ... واللى يجييى من دقن - حلوه دقن دى - الصعايده فايده ... وازاحم يمكن اطلع بصابونه ... يعنى
2- ها نكملها إزاي؟ ولا هو إمبارح وأبوك عند أخوك
هنكملها ازاى ... عايزه الاجابه ع السؤال الاولانى ... علشان يتولد الدافع ... وزى ما انتى عارفه دوافع السلوك الانسانى بتتلخص ف كلمتين ... درء خطر ... او جلب منفعه ... وبالتالى واو الحاقا لما سبق - حلوه الحاقا دى - هوه مش عارف ايه الحد الادنى والاعلى الاستاندرد من المخاطر والمنافع ... معكش حقنة فيتامين سى ...!
3- خليك قوي.. إنت ها تمشي اللي انتخبتهم والا هم اللي يمشوك؟
دى اللى لسه هنشوفها ف الايام الجايه ... مين اللى هيمشى مين ... بس انا ف اعتقادى ان الاخوان هيمشوا الشعب المصرى ع العجين ميلخبطوش ... دووول معلمين ... وربنا معلميين واسطوات كمان ... يا لهووووووووى
هننزل
مش هننزل
مش هنشارك
شاركنا
اعلنوا
مااعلناش
وكلم اللى لا مؤخذه تلهيك وتجيب اللى فيها فيك
السلام عليكم ورحمة الله وبركاته جزاكم الله خيرا على هذا الموضوع الجميل ** بجد موضوع جميل ومشوق... بارك الله فيكم يا شباب
كلنا عاوزين مصر حلوة
مصر هتفضل حلوة بقلوب وعقول ناس جميلة زي حضرتك
انا بحب حضرتك اوي :)
http://www.albawaba.com/node/410471?utm_source=rss&utm_medium=buzz+manager&utm_campaign=Al+Bawaba+-+Arabic لينك عنك يا خالتو
مساء الفل
يا بلادى يا احلى البلاد يا بلادى
فداكى انا و الاولاد يا بلادى
يا حبيبتى يا مصر يا مصر
ماشافش الامل فى عيون الولاد
و صبايا البلد
و لا شاف العمل سهران فى البلاد
و العزم اتولد
و لا شاف النيل فى احضان الشجر
و لا سمع مواويل فى ليالى القمر
ماشافش الرجال السمر الشداد فوق كل المحن
و لا شاف العناد فى عيون الولاد و تحدى الزمن
و لا شاف اصرار فى عيون البشر
بيقول احرار و لازم ننتصر
كنت عايز اكتفى بدون تعليق
لكن كمية الاصرار اللى فى الشباب امس مش ممكن حد يقهرها
و التحدى و الوعى مش ممكن حد يضحك عليهم
هما وقعه فى حارة سد الشباب ده مش هيضحك عليه تانى
تحياتى
مع نسبة الفوقان الحمد الله اللي الشعب المصري رجع ليها بقوة وأكثر من الاول كمان ..
انا شايف ان احنا محتاجين نعمل الميدان كذا دور .. او نقسم الشعب نبطشيات علي الميدان علشان بقي مش مكفي خااالص
وانا كمصري عايز البتاع اللي اسمه باتيناج ده اللي بيلبسوه في الرجلين مع اني مش عارف بيمشوا بيه ازاي بس اتعلم وماله مش عيب .. انا رجليا فأفأت من المسيرات :))
الموقع جميل جدا جدا والشغل اللى فية ممتاز وربنا يوفقكم واتمنى الاتصال بيا على الميل دا a7medkapo25@yahoo.com علشان يكون فى تعاون بينا وشغل مشترك فى المواقع الخاصة بيا
إرسال تعليق