العيل اللي عامل الفيديو فوق مش عارفة أوصفه
والعيل اللي عامل الفيديو اللي تحت مش عارفة أوصفه
والعيل اللي عامل الفيديو اللي تحت مش عارفة أوصفه
من كتر الغضب أممممممممم خايفة أغلط وانا بتكلم
دول عاوزين يولعوا البلد يا جدع
زمن فتن صحيح
أجدع م الشرف مفيش
دول عاوزين يولعوا البلد يا جدع
زمن فتن صحيح
أجدع م الشرف مفيش
المصريين دول مفيهومش فايدة أبدا
قاعدين يخربوا في البلد ويجيبوا سلقط وملقط
ما تخليكم إكس لارج
ما تعرضوها وتبطلوا كشكشة لحسن ها تتخيطوا
إيه لغة الترزية دي؟
مش مشكلة
المرة الجاية ها أموت م الغيظ
ساعة ما تصرح فوق الجثة بضبط النفس
بتجيبوا برود الدم منين؟
ساعة ما تعيطوا على مبنى
على ريس فاسد ليه سابنا
المرة الجاية ها أموت م العار
ما تخليكم إكس لارج
ما تعرضوها وتبطلوا كشكشة لحسن ها تتخيطوا
إيه لغة الترزية دي؟
مش مشكلة
المرة الجاية ها أموت م الغيظ
ساعة ما تصرح فوق الجثة بضبط النفس
بتجيبوا برود الدم منين؟
ساعة ما تعيطوا على مبنى
على ريس فاسد ليه سابنا
المرة الجاية ها أموت م العار
ربنا يصبرنا
ويقدرنا
وينصرنا
ويصلحنا
ويفرح قلوبنا
ويقهر الظالم والحرامي والسفاح وابن الحرام وابن الكلب
قولوا آمين
3 التعليقات:
أنا شخصيا
ناوي أموت من الضحك
السلام عليكم دكتورة
معلش هرد على حضرتك على بوست سابق هنا
بداية ده لنك لحالة الأخت اللي أتباع الشيخ مظهر ضربوها
http://www.youtube.com/watch?v=P2pJCV6Lx8Q
ثانياً انا متفق مع حضرتك في حاجات كتير و مختلف معاكي في حاجات تانية برضه كتير ، لكنه الاختلاف اللي يحترم وجهة نظر الآخر و يقدرها و يحترم خياراته و اختياراته طالما إن كل ده يتم في إطار الاحترام المتبادل في النقاش و تبادل وجهات النظر ، لأن الحقيقة هي الهدف و الغاية الأخيرة لكلينا.
متقلقيش أنا متعصبتش بسبب تأييدك للبرادعي لأن ده اختيارك و حقك و لازم احترمه ، زي ما انا شايفه و شايف ناس كتير غيره على الساحة متنفعش تقود مصر ، و ده حقي. إيه اللي يفصل بينا ؟ الأيام
تقبلي تحياتي سيدتي الفاضلة
اخدنا وقت طويل اوي علشان نصدق انهم فاسدين بالرغم اني من الناس اللي قلتها قبل 25 يناير متستنوش خير من الجيش قادته اكتر فساد من مبارك نفسه
بس اخدتنا نشوة تنحي مبارك ونشوة حكاية التصوير جنب الدبابة و نسينا دول مين بالرغم ان اغلب الشعب المصري كانوا مجندين و عارفين الجيش بيدار ازاي
بصينا لتونس و قلنا احنا خير اجناد الارض لما التوانسة جيشهم بيحب شعبهم كده يبقى الوطنية كلها في جيشنا
الفساد مستشري بطريقة رهيبة في كل مؤسسات الدولة علشان نتغير محتاجين هدم كلي لكل المؤسسات و نبني على نضافة بس مين هيسيبك تعمل كده
بس في حاجة كده بالمناسبة الاخ برهامي طلع يقولنا على اسر الشهداء تقبل الدية علشان مش هيعرفوا يثبتوا القتل العمد
طيب مش عارفين نثبت القتل العمد اوكي؟ مش هاقول ليه و ازاي و ده دليل على قلة حيلتنا هاسيبني من ده كله و اقول مش هنعرف طيب نثبت انهم افسدوا في الارض و نقيم عليهم حد الافساد؟
( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ )
ده حكم من يسعى في الارض فسادا واحنا يا برهامي مش بنطالب اكتر من تطبيق الشريعة على دول واعتقد فسادهم و افسادهم واضح للعيان و مش محتاج اثبات
إرسال تعليق